Enn syngur vornóttin

Söngsveitin Fílharmónía heldur í tónleikaferð til Vestfjarða næstu helgi, 2. til 5. júní, þar sem haldnir verða tónleikar á Þingeyri, föstudaginn 3. júní kl. 20 og á Ísafirði laugardaginn 4. júní kl. 17.

Höfuðborgarbúum gefst kostur að hlýða á hugljúft og sumarlegt prógram kórsins á tónleikum í Áskirkju þriðjudagskvöld 31. maí kl. 20.

Við flytjum íslenskt sönglög og lög frá Norðurlöndum, meðal annars Vorið eftir Grieg,og fallegan færeyskan sumarsálm. Mætið á tónleika og komist í sólskinsskap! Aðgangseyrir 1500 kr en frítt fyrir börn 12 ára og yngri.  

ZELENKA - 20. og 23. mars

BAROKK í BREIÐHOLTI

Söngsveitin Fílharmónía hefur að þessu sinni valið vortónleikum sínum stað í Fella- og Hólakirkju, fallegri og hlýlegri kirkju með afbragðs hljómburð. Auðvelt er að rata þangað, sjá kort. Kirkjan stendur við jaðar Elliðaárdals rétt handan við Menningarmiðstöðina í Gerðubergi.

 

Eins og áður hefur komið hér fram verður flutt barokkmessa, Missa votiva, eftir meistarann Jan Dismas Zelenka. Zelenka var uppi á fyrrihluta 18. aldar, fæddist 1679 (sex árum á undan frægari samtímamönnum hans, Johann Sebastian Bach (1685-1750) og Friedrich Handel (1685-1759). Fyrsti opinberi flutningur á verki eftir Zelenka er skráður árið 1704, á tónleikum í Jesúitaskóla sankti Niklásar í Prag. Hann fluttist til Dresden árið 1710 og var víóluleikari við Hofkapelle hljómsveitina, en Dresden var ein helsta menningarborg mið-Evrópu á þessum tíma og sannkölluð barokkperla. Missa votiva er eitt fremsta verk þessa tónskálds sem segja má að hafi verið enduruppgötvað á seinni hluta tuttugustu aldar eftir að nafn og verk hans lágu í gleymskudái í tvær aldir.

Tónleikarnir verða 20. og 23. mars. 

Hér er sýnishorn af þessu magnaða verki, fallegur flutningur Collegium 1704 hljómsveitarinnar og samnefnds kammerkór, undir stjórn samlanda Zelenka, tékkans Václav Luks. (Tónlist eftir Zelenka fæst í 12 Tónum, Skólavörðustíg):

 

Jan Dismas Zelenka

Söngsveitin Fílharmónía flytur í vor verkið Missa votiva eftir tónskáldið Jan Dismas Zelenka sem fæddur var árið 1679 í Bæheimi í litlum bæ suðaustan við Prag. Hann var af tónlistarfólki kominn en fátt er vitað um uppvöxt hans og ævi framan af. Hann stundaði tónlistarnám í Jesúítaskóla í Prag og gerðist víóluleikari. Þessa messu sem hljómar í fyrsta sinn á Íslandi samdi hann árið 1739 eftir að hafa náð sér eftir tíu ára erfið veikindi. Messan ber einkenni barokkstónlistar enda varð hún til í því umhverfi en samtímis vísar hún til þess sem koma skyldi og heyra má t.d. í tónlist Mozarts og Schuberts.

Fáið frekari fréttir og fróðleik af tónleikunum og tónskáldinu lítt þekkta en spennandi, hér á síðunni! 

Þessi fallega mynd sýnir fæðingabæ tónskáldsins, Louňovice.

 

Vetrarstarf að hefjast! Raddpróf SUNNUDAG kl. 14

Senn líður að næsta starfsári Söngsveitarinnar Fílharmóníu, en fyrsta æfing sveitarinnar verður miðvikudaginn 1. september. Ekki verður slegið slöku við í vetur þrátt fyrir annir síðastliðins vetrar, á 50. starfsári kórsins, sem endaði með glæsilegum afmælistónleikum í maí. Undir stjórn söngstjórans, Magnúsar Ragnarssonar, eru fyrirhugaðir þrennir tónleikar þetta starfsárið:

Hausttónleikar verða 31. október í Langholtskirkjuþar sem fluttar verða tvær franskar messur frá lokum 19. aldar: Messe solennelle eftir Louis Vierne og Requiem eftir Gabriel Fauré. Einsöngvarar verða Hallveig Rúnarsdóttir og Alex Ashworth og organisti Steingrímur Þórhallsson. Aðventutónleikar verða síðan 12. og 15. desember þar sem Valgerður Guðnadóttir er einsöngvari. Aðeins verður brugðið út af fyrri aðventutónleikum Söngsveitarinnar þar sem þessir tónleikar verða blanda af hefðbundum jólalögum fyrir kór og djasskenndari útgáfum, en djasstríó leikur með kórnum á þessum tónleikunum.

Aðaltónleikar starfsársins eru vortónleikar 3. og 6. apríl í Seltjarnarneskirkju. Þar verður flutt Missa Votiva, eftir tékkneska tónskáldið Jan Zelenka, fyrir kór, 4 einsöngvara og hljómsveit. Þetta er hrífandi og glæsilegt barokkverk eftir tónskáld sem lítt hefur heyrst hér á landi.

Nokkurn veginn fullmannað er í Söngsveitina Fílharmóníu, en þó verður haldið raddpróf fyrir nýja félaga sunnudaginn 29. ágúst kl. 14 í Melaskóla. Þeir sem áhuga kunna að hafa eru beðnir um að hafa samband við Magnús Ragnarsson söngstjóra í síma 6989926 (netfang: [e-mail]).

Nánari upplýsingar eru á heimasíðu kórsins, www.filharmonia.mi.is.

 

Jan Dismas Zelenka (1679-1745)

 

 

 

Stórglæsilegt kóramót í Reykjavík 17. til 22. ágúst!

Það er gaman að segja frá því að í næstu viku verður haldið glæsilegt fjölþjóðlegt kóramót í Reykjavík. Hvorki færri en 67 kórar eru skráðir til leiks, Söngsveitin Fílharmónía þar á meðal, frá öllum Norðurlöndum og Eystrasaltslöndunum þar sem kórahefð er ríkuleg. Alls eru þetta um 1860 söngvarar!

Borgarbúar geta hlýtt á kórana, en fjölmargir tónleikar verða bæði í hádegi og á kvöldin, miðvikudag 18. ágúst og föstudag 20. ágúst víðsvegar um bæinn, sjá dagskrá hér. Svo taka kórarnir virkan þátt í dagskrá Menningarnætur en lokatónleikar mótsins eru á laugardagskvöldinu á Menningarnæturkvöldið, í Laugardalshöll.

Heimasíða kóramótsins er http://choral.iii.is/

 

HEIMSLJÓS sló í gegn! Endurtekið í kvöld, þriðjudag kl 20

Frumflutningi á Heimsljósi Tryggva M. Baldvinssonar var mikið fagnað af tónleikagestum í Langholtskirkju sl. sunnudag. Flutningurinn var fumlaus og kröftugur og bravó hróp fylltu salinn þegar stjórnandinn Magnús Ragnarsson sótti tónskáldið upp á svið!

Tónleikarnir verða endurteknir í kvöld, þriðjudagskvöld, kl. 20. Miðar seldir við innganginn. Ekki missa af einstöku tónverki!

Styttist í frumflutning á HEIMSLJÓSI

Nú er óðum að styttast í afmælistónleikana 9. og 11. maí, þegar frumflutt verður Heimsljós - Íslensk sálumessa, eftir Tryggva M. Baldvinsson. Einsöngvararnir, þau Ingibjörg Guðjónsdóttir og Snorri Wium, mættu á kóræfingu í kvöld og ómaði hljómaveislan um allan vesturbæinn!

Verkið hans Tryggva er um 45 mínútur í lengd, í sex köflum. Kórfélagar eru allir sem einn heillaðir af verkinu og mjög spenntir fyrir frumflutninginn. Tryggva tekst snilldarlega að vefa saman tónlist sem endurspeglar ást og fegurð, angurværð, mikla dramatík, þjóðlega hljóma og hugartengsl við íslenska náttúru við sígildan texta úr þessu einu vinsælasta bókmenntaverki Íslendinga fyrr og síðar.

Þá verða einnig fluttir valdir kaflar úr nokkrum þeim stóru verkum sem kórinn hefur flutt á liðnum árum, m.a. úr Carmina Burana, Þýsku sálumessu Brahms, Messias eftir Handel og verkum eftir Mozart, Haydn og Bach.

Einsöngvarar eru eins og fyrr segir Ingibjörg Guðjónsdóttir og Snorri Wium. Sif Tulinius er konsertmeistari 30 manna hljómsveitar og Magnús Ragnarsson stjórnar tónleikunum.

Miðar fást í versluninni 12 Tónum, hjá kórfélögum og við innganginn. Miðaverð er 3500 kr.

 

Ekki missa af menningarsögulegum atburði!

 

Afmælishátíð 24. apríl í Iðnó!

Við hvetjum alla kórfélaga Söngsveitarinnar fyrr og síðar, velunnara hennar og tónlistarunnendur alla til að fagna með okkur hálfrar aldar afmæli á glæsilegri hátíð í Iðnó, laugardaginn 24. apríl, rifja upp góðar minningar og gleðjast saman.

Ágúst Ólafsson og Guðríður St. Sigurðardóttir flytja nokkur lög og kórinn syngur að sjálfsögðu. Sögusýning með myndum og efni úr fórum kórsins. Verið velkomin!

 

Þar sem jökulinn ber við loft

 

 

 

Þar sem sem jökulinn ber við loft
hættir landið að vera jarðneskt,
en jörðin fær hlutdeild í himninum

 

Þessar fleygu línur Laxness eru snilldarlega tónsettar í nýju verki Tryggva M. Baldvinssonar, HEIMSLJÓS - íslensk sálumessa, sem Söngsveitin Fílharmónía frumflytur á hálfrar aldar afmælistónleikum sínum 9. maí og 11. maí í Langholtskirkju. Frekari upplýsingar á heimasíðu kórsins.

Merkið hjá ykkur þessa daga, ekki missa af einstökum tónlistarviðburði!